44 करोड़ रूपिया के लागत ले तियार होही योजना
माना कैम्प म खुले वाले नगा महाविद्यालय के नाव प्रियदर्शनी इंदिरा गांधी के नाम म करे ब मुख्यमंत्री ह करिस घोषणा
रायपुर, नेहा राठौर के खबर/ मुख्यमंत्री श्री भूपेश बघेल ह रईपुर ग्रामीण म भेंट मुलाकात म आज नगर पंचायत माना कैम्प जल आवर्धन योजना के भूमिपूजन करिस। लगभग साढ़े 44 करोड़ रुपिया के लागत के ए योजना ह 27 महिना म पूरा होही। जल आवर्धन योजना के माध्यम ले माना कैम्प के 3 हज़ार 2 सौ घर तक पीए के सफ्फा पानी पहुंचही। ए अवसर म मुख्यमंत्री श्री बघेल ह माना कैम्प म खुले वाले नवा महाविद्यालय के नाम प्रियदर्शनी इंदिरा गांधी महाविद्यालय करे के घोषणा करिस।
मुख्यमंत्री ह माना म जल आवर्धन योजना के भूमिपूजन समारोह म सम्बोधित करे के बेर कहिस के ए योजना के पूरा होए म जम्मो घर म पीये के पानी ह आही अउ बिसेस रूप ले हमर बहिनी मन एकर फइदा होही। कहिस के माना कैम्प ल इंदिरा जी ही बसाए रहिस हे अउ ओकर परेम ह इहां के लोगन मन ल मिलिस। अउ तभे ले ए क्षेत्र ह सरलग उन्नति अउ प्रगति करत हवय। माना कैम्प म बने वाले जल आवर्धन योजना म दू ठ नवा ओवर हेड टैंक बनाएं जाही संग ही लगभग 65 हज़ार मीटर पाइपलाइन तको दसाए जाही।ए योजना ब पानी के आपूर्ति नगर निगम रईपुर ले होही।
