मानबाई ल घरे म मिलत हे स्वच्छ पेयजल
रायपुर, 11 सितमबर 2024। केन्द्र सरकार कोति ले सबो घर तक पीये के पानी पहुंचाए बर जल जीवन मिशन के संचालन करे जात हे। एखर तहत गांव-गावं म सबो घर म नल-जल के कनेक्शन देहे जात हे, जेखर से मनखे मन ल आसानी ले पीये के साफ पानी उपलब्ध होवत हे। संगेच ओ मन ल पानी लाय खातिर अब दूरिहा नइ जाना परत हे। इही कड़ी म जिला के दूरस्थ वनांचल क्षेत्र मैनपुर विकासखण्ड अंतर्गत ग्राम पंचायत बोईरगांव के आश्रित गांव बरदुला म घलोक जल जीवन मिशन के अंतर्गत नल कनेक्शन पहुंच गए हे, जेखर से गांव वाले मन ल घरे म पीये के साफ पानी आसानी ले उपलब्ध होवत हे। वनांचल क्षेत्र होए के सेती पहिली गांव वाले मन ल पीये के पानी लाय बर दूरिहा जाना परत रहिस। संगेच गर्मी के मौसम म नदी-नाला के सूखा जाय ले पानी मिलतेच नइ रहिस, जेखर से बहुत परेशानी के सामना करना परत रहिस। सरकार के जनकल्याणकारी सोच अऊ मनखे मन ल आसानी ले मूलभूत सुविधा मन के पहुंच उपलब्ध कराए के पहल ले मनखे मन के जीवन आसान होय हे। एकरे तहत सबो घर म पीये के पानी उपलब्ध कराए बर जल जीवन मिशन के गंभीरतापूर्वक क्रियान्वयन करे जात हे, जेखर से मनखे मन ल काफी राहत मिलत हे।
