रायपुर, 02 जुलाई 2024। महिला अउ बाल विकास मंत्री श्रीमती लक्ष्मी राजवाड़े ह आज मंत्रालय महानदी भवन म महिला बाल विकास विभाग के काम मन के विस्तार ले समीक्षा करिन। श्रीमती राजवाड़े ह अधिकारी मन ल हर एक आंगनबाड़ी के सरलग उदुपहा जांच करे ल कहिन। उमन हितग्राही मन ल देहे जात पोषण-आहार अउ आन सुविधा मन के नियमित जांच करके ओखर गुणवत्ता ठउका करे के घलोक निर्देश दीन। बैठक के समय विभागीय अधिकारी मन ह पॉवर प्वाइंट प्रेजेंटेशन के संग विभागीय कार्यक्रम अऊ योजना मन के जानकारी दीन। बैठक म विभाग के सचिव श्रीमती शम्मी आबिदी, संचालक सुश्री तूलिका प्रजापति संग आन विभागीय अधिकारी घलोक मौजूद रहिन।
महिला अउ बाल विकास मंत्री श्रीमती लक्ष्मी राजवाड़े ह एकीकृत बाल विकास सेवा मन ल धरातल म कारगर ढ़ंग ले सुलभ कराए के निर्देश देवत कहिन कि शासन के आन कल्याणकारी योजना मन ले घलोक क्षेत्र के महिला मन ल योजनाबद्ध तरीका ले लाभ पहुंचाया जाना सुनिश्चित करव। ए दिशा म सेवा मन ल परिणामदायी बनाए बर जनजागरूकता लाय संग सेवा मन के गुणवत्ता अउ सेवा के विस्तार बर प्रभावी पहल करे जाए। मंत्री ह अधिकारी मन ल निर्देश दीन कि महिला बाल विकास विभाग के महतारी वंदन योजना, प्रधानमंत्री मातृ वंदना, रेडी-टू-ईट, नोनी सुरक्षा योजना, शुचिता योजना, बाल सन्दर्भ योजना के लाभ सबो हितग्राही मन ल मिलय। उमन महतारी वंदन योजना के सबो पात्र हितग्राही मन के बैंक खाता ल आधार कार्ड के लिंक्ड कराए के निर्देश दीन। उमन गर्भवती, शिशुवती माता, लइका मन अऊ किशोरी बालिका मन के नियमित अंतराल म स्वास्थ्य परीक्षण, टीकाकरण अऊ वजन लेहे ल कहिन। उहें स्कूल पूर्व प्रारंभिक शिक्षा, पूरक पोषण आहार अउ पोषण अउ स्वास्थ्य शिक्षा ल परिणाममूलक बनाए बर संवेदनशीलता के संग दायित्व निर्वहन करे के निर्देश दीन। श्रीमती राजवाड़े ह कहिन कि मुख्यमंत्री कन्या विवाह योजना म सही लाभार्थी ल लाभ मिलय ए बात के पारदर्शिता रखव। आवेदन लेवव अउ अधिकारी मन ओखर सत्यापन करव ताकि सही मनखे ल लाभ मिलय।
