14 नवंबर: छत्तीसगढ़ म बिहनिया जाड़, मंझनिया रवनिया घाम, बदलते मौसम के अलारम

रायपुर, 14 नवंबर 2025 के छत्तीसगढ़ म मौसम म खास बदलाव देखे ल मिलही। रात अऊ भिनसरहा के शुरुआती घंटा म ठंडक रइही। बिहनिया 4–6 बजे तक तापमान 11–12 °C तक गिर सकत हे। फेर जइसे-जइसे दिन आगू बाढ़ही, मौसम म तेजी से सुधार होही। मंझनिया तक परखर घाम उए के संग तापमान लगभग 27–28 °C तक पहुँच सकत हे।
मंझनिया के बाद घलोक मौसम गरम महसूस होही, फेर संझा होत-होत ठहराव आही अऊ रात कन फेर जुड़ बाढ़ही। संझा 6–8 बजे के बीच तापमान करीब 23–25 °C रहिही अऊ रात गहरातेच 16–17 °C तक गिरे के संभावना हे।
बाहिर निकलइया मन बर सुझाव हे के भिनसरहा निकलत समय हल्का जेकेट या स्वेटर पहिर के निकलव। दिन म घाम के रवनिया के आनंद लेवव, फेर संझा होतेच ओढ़े बर कमरा रखव काबर के अचानक जाड़ बाढ़ सकत हे।
ए हिसाब ले काली दिन भर म बिहनिया जाड़ → रवनिया घाम वाले मंझनिया → जुड़ वाले संझा मिलही।