रायपुर, 15 नवंबर 2025 के छत्तीसगढ़ म मौसम पूरा साफ रहिही अऊ दिनभर घाम छाए रइही। भिनसरहा के तापमान करीब 10–12°C तक गिरे के संभावना हे, ते पाए के भिनसरहा के समय हल्का जैकेट या शॉल ओढ़े ल परही। जइसे-जइसे दिन आगू बाढ़ही, तापमान तेज़ी से बाढ़ही अऊ मंझनिया तक 27°C तक पहुँचे के संभावना हे, मने घाम तापे म थोकुन चरचराही। संझा बेरा फेर तापमान धीरे-धीरे नीचे आही।
दिन म सूरूज के रवनिया तापे ले आप के मूड तरोताज़ा होगी, फेर भिनसरहा अऊ रात के बेरा म हल्का जाड़ परही। अइसे म घर ले बाहिर निकले म बिहनिया-संझा सेटर पहिर के अउ कान बांध के निकलहू। पानी गिरे के कोनो संभावना नइ हे, ते पाए के सनिच्चर के छुट्टी के भरपूर मजा लेवव।
बस एक बात सुरता रखहू, मंझनिया बाहिर निकलत खानी हल्का कुरथा पहिरहू अऊ पानी संग म रखे रहू, काबर के घम थोकन तेज़ रइही।
मिलही कुनकुनात घाम के मजा, जानव आज 15 नवंबर के छत्तीसगढ़ म मौसम के मिज़ाज
