रायपुर, प्रदेश के नवा फिल्म नीति मुम्बई के ख्यातनाम फिल्मकार मन ल छत्तीसगढ़ म अपन फिल्म अऊ वेब-सीरिज के शूटिंग बर आकर्षित करत हे। हाले म तिग्मांशु धुलिया निर्देशित अऊ आशुतोष राणा अभिनीत वेब-सीरिज ‘सिक्स सस्पेक्ट्स’ के शूटिंग के बाद अब देश के नामचीन फिल्मकार सुधीर मिश्रा ‘सोनी लिव’ अऊ ‘स्टूडियो नेक्स्ट’ म प्रसारित होवइया अपन वेब-सीरिज ‘जहांनाबाद’ के शूटिंग बर इहां आवत हे। अवइया नवम्बर महिना ले करीबन दू महीना तक कांकेर, कवर्धा, राजनांदगांव अऊ रायपुर के कई ठन लोकेशन म एकर फिल्मांकन होही। स्थानीय कलाकार अऊ तकनीशियन मन ल घलोक येमा काम करे के मौका मिलही।
वेब-सीरिज ‘सिक्स सस्पेक्ट्स’ के बाद छत्तीसगढ़ म अब मशहूर फिल्मकार सुधीर मिश्रा के ‘जहांनाबाद’ के घलोक शूटिंग
