आज होही स्कूल शिक्षा विभाग के वेबीनार, प्रमुख सचिव अउ संचालक लोक शिक्षण करही संबोधित

रायपुर, 28 जुलाई 2020। राज्य म बच्चा मन के पढ़ाई के निरंतरता ल जारी रखे बर अउ विभिन्न वैकल्पिक नवाचारी उपाय मन ल बच्चा मन के पढ़ाई बर लागू करे के उद्देश्य ले स्कूल शिक्षा विभाग के डाहर ले आज 28 जुलाई के मंझनिया 12 बजे वेबीनार के आयोजन करे जावत हे। ये वेबीनार ल स्कूल शिक्षा विभाग के प्रमुख सचिव डॉ.आलोक शुक्ला अउ संचालक लोक शिक्षण जितेंद्र शुक्ला संबोधित करही। वेबीनार म राज्य स्तर के स्कूल शिक्षा विभाग के सबो अधिकारी, जिला शिक्षा अधिकारी अउ जिला स्तरीय सबो स्कूल शिक्षा विभाग के अधिकारी, विकासखंड अउ संकुल स्तर के सबो अधिकारी के संगे-संग नवगठित प्रोफेशनल लर्निंग कम्युनिटी के सदस्य उपस्थित होके सहभागिता करही। जिला मन म बच्चा मन के पढ़ाई ल लेके सुरक्षा संबंधी विभिन्न मानक मन ल ध्यान म रख के समुदाय के पहल ले जोन स्वस्फूर्त शिक्षक मन ह स्कूल के संचालन म अपन महत्वपूर्ण भूमिका निभाय हे, वो घलो अपन विचार ये वेबीनार के दौरान रखही।