बिहाव ले पहली घर म पसरिस मातम, कार्ड बांटे बर निकले पिता के सड़क हादसा म मउत

सूरजपुर, 1 दिसंबर 2020। सूरजपुर जिला म दर्दनाक सड़क हादसा होए हे। मिले जानकारी के अनुसार बेटा के बिहाव के कार्ड बांटे बर जावत पिता के स़ड़क हादसा म मउत होगे। ए घटना जिला के विश्रामपुर थाना इलाका के कुरूवा मोड़ के हे। मृतक के नाम बीरबल राजवाड़े हे। रामनगर के रहने वाला 42 साल के बीरबल के बेटा के बिहाव कुछ दिन बाद होना रहिस. सोमवार मंझनिया बीरबल कार्ड बांटे बर अपन बाइक ले केशव नगर ले कुरवा डाहर जावत रहिस। इही दौरान ट्रक ह बीरबल ल टक्कर मार दीस। मउका म ही बीरबल के मउत होगे। घटना के बाद पुलिस ह मउका म पहुंच के शव ल अपन कब्जा म ले लिस।