Narendra Modi likely to take oath as Prime Minister for third time on June 8
दुर्ग, ०५ जून २०२४। चुनाव परिणाम 2024 अउ मीडिया रिपोट के मुताबिक, नरेंद्र मोदी (Narendra Modi) 08 जून के तीसरइया पईत भारत के प्रधानमंत्री (prime minister of india) के रूप म शपथ लेवइया हे। रिपोट के मुताबिक, उही दिन नवा मंत्रिमंडल घलोक शपथ लेही। लोकसभा चुनाव के नतीजा घोषित होए के एक दिन बाद, 5 जून के पीएम मोदी के अध्यक्षता म केंद्रीय मंत्रिमंडल ह 17वां लोकसभा ल भंग करे के सिफारिश करिस, जेखर कार्यकाल 16 जून के खतम होवत हे।
ये मामला म जानकारी देवत ANI ह बताए हे के संभावित “किंगमेकर” तेलुगु देशम पार्टी (TDP) अऊ जनता दल-यूनाइटेड (JDU) दुनों ह हरी झंडी दे देहे हे। दुनों दल ह गठबंधन के बैठक के बेरा म भाजपा ल औपचारिक समर्थन के चिट्ठी सौंपइया हे।
भाजपा ह 2024 के लोकसभा चुनाव म 240 सीट हासिल करे हे। पार्टी ह बहुमत हासिल करे म विफल रहे हे , फेर अपन गठबंधन के मदद ले एनडीए NDA ह कुल 295 सीट हासिल करे हे। इंडिया ब्लॉक के संख्या 231 रहीस। एग्जिट पोल के भविष्यवाणी के उलट, इंडिया ब्लॉक ह भाजपा के अगुवई वाले एनडीए ल जबर टक्कर दीस। 2024 के लोकसभा चुनाव म डाले गए वोट के गिनती के बाद भाजपा 272 बहुमत के आंकड़ा ले 32 सीट पीछू रहि गे। 2014 म सत्ता म आए के बाद पहली पइत भाजपा ल अपन दम म बहुमत हासिल नइ होइस। आज एनडीए भविष्य के राजनीतिक कार्रवाई बर रणनीति बनाए बर बैठक करत हे। एनडीए नेता मन प्रधानमंत्री मोदी के घर म बैठका करें हे।
एखर से पहिली 4 जून के पीएम मोदी ह जनादेश बर मनखे मन ल धन्यवाद देहे रहिन अऊ कहिन के बीजेपी के सियानी वाले एनडीए सरलग तीसरइया पइत सरकार बनाही अऊ ये विकसित भारत, ‘सबका साथ सबका विकास’ के संकल्प अऊ भारत के संविधान उपर मनखे मन के दृढ़ आस्था के जीत ये। उमन बीजेपी मुख्यालय म अपन संबोधन म कहिन, “ए पवित्र दिन म ये पुस्टि होथे के एनडीए तीसरइया पइत सरकार बनावत हे। हमन आप मन के आभारी हन, आप मन बीजेपी अऊ एनडीए उपर पूरा विश्वास जताइन। ये दुनिया के सबले बड़े लोकतंत्र के जीत हे, ये भारत के संविधान म दृढ़ विश्वास के जीत ये, ये विकसित भारत के संकल्प के जीत हे। ये ‘सबका साथ सबका विकास’ के जीत ये।”
अब ये बात म विराम लग गे हे के भारत के नवा प्रधान मंत्री कोन होही (who is the new prime minister of india)
(एएनआई ले इनपुट्स के संग)
