मुंगेली,15 सितंबर 2020। जिला ले एक बड़का घटना आगु आये हे। एक मनखे ह अपन पत्नी अउ दूध मुंह लइका के धारदार हथियार ले निर्ममता पूर्वक हत्या कर दीस। मामला जिला के फास्टरपुर थाना क्षेत्र के लगरा गांव के हे।
आरोपी बसंत चंद्राकर ह अपन पत्नी लता चंद्राकर अउ 10 महीना के ऋषभ चंद्राकर के धारदार हथियार ले सोमवार देर रात हत्या करके फरार होगे। एसडीओपी तेजराम पटेल ह बतइन कि फिलहाल घटना के कारण के पता नइ चल पाय हे। पुलिस ह मउका म पहुंच के घटना के जांच म जुटे हे।
वारदात के सूचना के बाद एडिशनल एसपी ल लेके स्थानीय पुलिस मउका म पहुचीस। पुलिस परिवार अउ ग्रामीण मन ले हत्या के बारे म पूछताछ करत हे। एकर अलावा फरार आरोपी के तलाश करे जावत हे।
