किसान सम्मान निधि मिले अऊ धान खरीदी समर्थन मूल्य म वृद्धि ले किसान मन म उत्साह के माहौल
चालू खरीफ साल म 48.63 लाख हेक्टेयर क्षेत्र म कई ठन फसल के बोनी के लक्ष्य
किसान मन बर प्रर्याप्त खाद-बीज उपलब्ध
रायपुर, 20 जून 2024। छत्तीसगढ़ म मानसून के बौछार के संग खेती-किसानी के काम शुरू हो गए हे। हाले म केन्द्र सरकार कोति ले छत्तीसगढ़ के किसान मन ल किसान सम्मान निधि मिले अऊ धान के समर्थन मूल्य म वृद्धि ले किसान मन म नवा उत्साह दिखत हे। किसान गांव म खेत मन के जोताई-बुआई आदि के काम मन म जुट गे हे। राज्य के कुछ भाग म बोनी के काम घलोक शुरू हो गए हे। चालू खरीफ साल म 48.63 लाख हेक्टेयर क्षेत्र म कई ठन फसल बोनी के लक्ष्य निरधारित करे गए हे।
मुख्यमंत्री श्री विष्णु देव साय ह अपन अपन सरकार के 06 महिना पूरा होए के बाद कृषि विभाग के समीक्षा बैठक म प्रदेश के किसान मन ल सुगमता ले ऊंखर मांग के मुताबिक खाद-बीज उपलब्ध कराए के हुकुम अधिकारी मन ल देहे हें। खाद-बीज वितरण व्यवस्था म कोनो प्रकार के लापरवाही होए म कड़क कार्यवाही करे के हुुम उमन देहे हें। सोसायटी मन म भरपूर खाद-बीज भण्डारण करे ल कहे हें।
प्रधानमंत्री श्री नरेन्द्र मोदी ह प्रधानमंत्री किसान सम्मान निधि योजना के तहत छत्तीसगढ़ के 23.59 लाख ले जादा किसान मन ल ऊंखर बैंक खाता म 483.85 करोड़ रूपिया के राशि अंतरित करिन। एखर से किसान मन म खुशी अऊ उत्साह के वातावरण दिखत हे। किसान मन के उत्साह ओ समय दुगुना हो गीस जब केन्द्र सरकार ह चालू खरीफ सीजन म धान के समर्थन मूल्य 117 रूपिया प्रति क्विंटल बढ़ाए के निर्णय लीन।
कृषि विभाग के अधिकारी मन ह बताइन के ए साल खरीफ 2024 बर प्रदेश म 9.78 लाख क्विटल प्रमाणित बीज वितरण के लक्ष्य रखे गए हे जेमां ले 7.46 लाख क्विटल बीज के भंडारण करके अब तक 4.64 लाख क्विटल बीज के वितरण किसान मन ल करे जा चुके हे। जेन मांग के 47 प्रतिशत हे। जबकि खरीफ साल 2023 म प्रदेश म कुल 9.43 लाख क्विटल प्रमाणित बीज वितरण करे गए रहिस। अइसनहे प्रदेश म ए खरीफ सीजन म 13.68 लाख मेट्रिक टन उर्वरक के लक्ष्य निरधारित करे गए हे। ओ लक्ष्य के विरूद्ध 11.23 लाख मेट्रिक टन उर्वरक के सहकारी अउ निजी क्षेत्र मन म भंडारण करे गए हे। ओ भंडारण के विरूद्ध 6.22 लाख मेट्रिक टन उर्वरक के वितरण किसान मन करे जा चुके हे। जेन लक्ष्य के 46 प्रतिशत हे। जबकि पउर साल खरीफ 2023 म कुल 13.41 लाख मेट्रिक टन उर्वरक के वितरण करे गए रहिस।
अधिकारी मन ह बताइन कि प्रदेश के औसत वार्षिक वर्षा 1232.7 मि.मी. हे। 18 जून 2024 के स्थिति म राज्य म औसत वर्षा 27.2 मि.मी. दर्ज करे गीस हे जेन एही अवधि के 10 बछर के तुलनात्मक दृष्टिकोण ले औसत वर्षा 68.4 मि.मी. ले 41.2 मि.मी. कम हे। पउर साल इही समे म 3.3 मि. मी. वर्षा दर्ज करे गए रहिस।