कोरिया, 19 जनवरी 2021। जिला के खड़गवां विकासखण्ड के ग्राम बडे़ कलुआ के रहइया किसान श्री सुखराम ल कृषि विभाग के मार्गदर्शन म कृषि के नवा तकनीक अउ उच्च किस्म के बीज मन के प्रयोग ले कृषि उत्पादन म सफलता मिले हे अउ वो अपन आर्थिक स्थिति म सुधार लाये म सक्षम होय हे। कृषि विभाग के सहयोग ले मक्का व उड़द के कतार बोनी करके सामान्य विधि ले बोए गए फसल के तुलना म किसान सुखराम ल जादा उत्पादन प्राप्त होय हे।
किसान सुखराम बताथे कि कृषि विभाग ले मार्गदर्शन प्राप्त करके उमन उन्नत किस्म के उड़द व मक्का के खेती करिन। कृषिगत नीति अउ योजना मन के जानकारी ले कम लागत म जादा उत्पादन करके उंखर आय म वृद्वि होय हे। एखर ले अब वो अपन परिवार के खुशहाली अउ जरूरत मन ल पूरा करे म सक्षम होय हे।
सुखराम बताथे कि उंखर तीर कुल 1.08 हेक्टेयर भूमि हे। जेमां 1 हेक्टेयर रकबा म राष्ट्रीय खाद्यान्न सुरक्षा मिशन दलहन योजना के तहत बछर 2020 म अन्र्तवती फसल प्रदर्शन के तहत उड़द माष अउ मक्का सी.पी.333 फसल के प्रदर्शन आयोजित करिन। कृषि विभाग के अधिकारी मन के सहयोग ले कतार बोनी करके, कीट नाशक अउ अन्य सामग्री प्राप्त करिन। एखर पहली सुखराम जुन्ना तरीका अपनाके कीटनाशक के छिड़काव व खेती करत रहिस। जेखर ले कम उत्पादन व लागत जादा आवत रहिस अउ आय घलो कम प्राप्त होवत रहिस। लेकिन कृषि विभाग के सहयोग ले कतार बोनी करके व कीटनाशक व अन्य सामग्री प्राप्त करके उन्नत तकनीकी ले कम लागत म जादा उत्पादन प्राप्त करत हे अउ आय म वृध्दि घलो होवत हे।
