झोपड़ी गिरे ले महिला गंभीर रूप ले घायल, बाल-बाल बचिस मासूम

कोंडागांव, 8 अक्टूबर 2020। जिला के फरसगांव थाना अंतर्गत ग्राम बरकई के खेत म बने झोपड़ी के गिरे ले एक महिला गंभीर रूप ले घायल होगे। उहें ओखर 4 वर्षीय मासूम लइका बाल-बाल बचगे। दुनों ल 108 के सहायता ले उपचार बर फरसगांव अस्पताल लाये गिस। जिहां महिला के गम्भीर स्थिति ल देखत हुए बने उपचार बर जिला अस्पताल रिफर करे हे। मिले जानकारी के अनुसार मंजू मरकाम अपन 4 साल के बच्ची अल्का मरकाम के संग खेत म गए रिहिस। इही बीच अचानक बारिश होय म वो संझा वापस झोपड़ी म आईस। अंदर घुसे के बाद अचानक झोपड़ी गिरगे। एखर सेती महिला अउ बच्ची दबगे, महिला गम्भीर रूप ले घायल होगे। आसपास के लोगन मन ह झोपड़ी म दबे महिला अउ बच्ची ल बाहर निकालिस। ओला 108 के सहायता ले गंभीर स्तिथि म उपचार बर फरसगांव अस्पताल लाये गिस।