मुंगेली, 4 नवंबर 2020 मुंगेली जिला म आज वो बेरा सनसनी फ़ैलगे जब निर्वस्त्र अवस्था म अज्ञात युवती के लाश बरामद होइस। मामला म पुलिस प्रकरण के जांच म जुटे हे। पूरा मामला जिला के फास्टरपुर थाना क्षेत्र के हे, जिहां सिंघनपुरी-बघमार गांव के खेत म अर्धनग्न हालत म एक अज्ञात युवती के लाश पुलिस ल मिले हे।
जानकारी के अनुसार अब तक मृतिका युवती के पहिचान नई हो पाए हे। घटनास्थल के स्थिति ल देख के शंका जाहिर करे जावत हे कि युवती के संग दुष्कर्म के घटना ल अंजाम दे के बाद हत्या ल अंजाम देहे गए हे। फिलहाल पुलिस ए बारे म कुछ भी कहे ले इंकार करत हे।
पुलिस के कहना हे कि पीएम रिपोर्ट आए के बाद ही एखर ऊपर अधिकृत रूप ले कुछ कहे जा सकत हे कि हत्या कोन तरह अऊ कइसे करे गए हे। मृतिका के गला म गमछा अऊ शरीर के कपड़ा मृत शव के आसपास ही पड़े हे।
