– अब हर कुपोषित लइका मन के पीछू लगाही एक पौधा
दुर्ग 07 जुलाई 2020/ कुपोषण दूर करे बर मुनगा के ट्रैक रिकार्ड सुग्घर रहे हे । जिला म कुपोषित लइका मन बर मुनगा के पौधा रोपे जाये ता बेहतर भविष्य होही । ये सोच के संग महिला अउ बाल विकास विभाग ह जिला म हर कुपोषित लइका के पीछू एक पौधा तैइयार करे जाही । चूंकि जिला म कुपोषित लइका मन के संख्या बारह हजार ले जादा हे एखर कारण इतना ही पौधा तैइयार करे जाही। अब छह जुलाई के दिन इखर रोपण होही । मुनगा के पौधा कुपोषित लइका मन के घर म घलव रोपे जाही । घर-घर पौधा रोपे जाये ले मुनगा के पौधा के संख्या म विस्तार होही । उल्लेखनीय हे कि मुख्यमंत्री श्री भूपेश बघेल ह घलव मुनगा के पौधा के रोपण के संबंध म सबो जिला म निर्देश दि हे । चूंकि दो महीना ले ही जिला न एखर पौधा रोपे जावत रिहिस अब तक अब्बड़ सुग्घर ग्रोथ इखर आ चुके हे । मुनगा के पौधा के रोपण होये ले लंबा समय तक स्थायी रूप ले लोगन मन ल पोषाहार के विकल्प मिलत रिही । आयरन कंटेट बहुत होये ले ये गर्भवती महिला मन बर काफी उपयोगी होही । जिहा आंगनबाड़ी केंद्र म जमीन के दिक्कत होही उहा कुपोषित लइका मन के घरो घर म लगाये जाही । इखर तैइयारी पूरा कर ले गे हावे । जिला कार्यक्रम अधिकारी श्री विपिन जैन ह बताइस कि जिला म लगभग बारह हजार कुपोषित लइका हावे । मुनगा कुपोषण ला दूर करे म बड़ कारगर होथे । एखर तैइयारी बर हमन दो महीना ले मुनगा के पौधा तैइयार करे हन । विभाग ह ये पौधा ला खुद तैइयार करे हे । योजना ये हावे कि जिहा आंगनबाड़ी केंद्र म जगह होही उहा पौधा रोपित करे जाही । जीहां आंगनबाड़ी केंद्र म जगह नइ होही उहां कुपोषित लइका मन के घर म रोपे जाही । श्री जैन ह बताइस कि एखर बर हर आंगनबाड़ी केंद्र म लइका मन के चिनहारी हो गे हावे । उमन कहिस कि सबो केंद्र म आंगनबाड़ी कार्यकर्ता मन ला निर्देश दे गे हावे कि छह जुलाई के मुनगा के पौधा आंगनबाड़ी केंद्र म सामूहिक रोपण करे जाही । उमन कहिस कि गृह भेंट के दौरान कुपोषित लइका मन के माँ (दाई) मन ला विशेष तौर म ये संबंध म मुनगा के पौधा के रोपण बर राजी करे गे हावे उमन बताये गे हावे कि कोण ढंग ले मुनगा के पौधा तेजी ले पोषण स्तर बढ़ाथे । उल्लेखनीय हावे कि जिला प्रशासन द्वारा घलव मुनगा के पोषण के गुण मन ला देखत विशेष रूप ले मुनगा के पौधा के रोपण कराये जाथे । एखर बर पाटन म उद्यानिकी विभाग द्वारा भूमि के चिनहारी कर के दस हजार मुनगा के पौधा लगाये जाये के काम करे जाथे । बीते दिन कृषि उत्पादन आयुक्त डाक्टर एम. गीता ह घलव मुनगा के लाभ मन के संबंध म चर्चा करे रिहिस । उमन बताइस कि कोन ढंग ले मुनगा के विभिन्न कंपोनेंट के बड़े बाजार देश म हे । एखर संभावना के लाभ इहा घलव भी उठाये जा सकथे।
दुर्ग ले गुरतुर गोठ बर सोनू कुमार
