महिला मन ल आत्मनिर्भर बनाए ब राज्य सरकार ह वित्तीय वर्ष 2022-23 म दिस 10 करोड़ रूपिया ले जादा के ऋण 

छत्तीसगढ़ महिला कोष ले विगत 05 बछर म सबले जादा ऋण के वितरण 
सक्षम योजना म तको अभी तक के सबले जादा ऋण राशि वितरित
धमतरी, नेहा राठौर के खबर/  राज्य सरकार महिला ल सशक्त अउ आत्मनिर्भर बनाए ब महिला अउ बाल विकास विभाग के अंतर्गत छत्तीसगढ़ महिला कोष के संचालन करत हे। महिला कोष के माध्यम ले महिला मन के कौशल उन्नयन के संग ओमन व्यवसाय सुरू करे ब कम ब्याज दर म ऋण उपलब्ध करा के सहयोग करे जाथ हे। वित्तीय वर्ष 2022-23 म महिला कोष ले 10 हजार 500 ले जादा महिला मन ल 10 करोड़ 70 लाख रुपिया ले जादा ऋण राशि स्वीकृत करे हे, जेन ह विगत 5 बछर म सबले जादा हे।
मुख्यमंत्री श्री भूपेश बघेल कोती ले ऋण योजना के अंतर्गत महिला स्व-सहायता समूह ल दिए जाए वाले ऋण राशि ल दो लाख ले बढ़ाके चार लाख करे के घोषणा करे रहिस हे। ओकर घोषणा के पालन म पिछला वित्तीय बछर म बड़ संख्या म महिला समूह ल 4 लाख रूपिया के एकमुश्त ऋण स्वीकृत करे गए रहीस हे।
विभागीय मंत्री श्रीमती अनिला भेंड़िया के अनुरोध म मुख्यमंत्री श्री भूपेश बघेल ह महिला मन ल सशक्त बनाए ब महिला कोष के बजट म ऐतिहासिक वृद्धि करे हे।