- मास्क, साबुन अउ सेनेटाईजर निर्माण के संग चलावत हें जागरूकता अभियान
बलरामपुर, 03 जून 2020। कोरोना वायरस ले बचाव बर मास्क, सेनेटाईजर अऊ साबुन जीवन के महत्वपूर्ण जरूरत म सामिल हो गए हे। मास्क, सेनेटाईजर अऊ साबुन के परयोग ले ये वायरस ले बचाव संभव हे। बलरामपुर-रामानुजगंज जिला के बिहान के महिला मन बड़ मात्रा म मास्क, सेनेटाईजर अऊ साबुन के निर्माण करके अपन उद्यमिता अऊ कुशल प्रबंधन के परिचय देवत संकट के ये घड़ी म महत्वपूर्ण योगदान देवत हे। समूह के महिला मन “मेरा स्वास्थ्य, मेरी जिम्मेदारी” के मन्त्र के संग जनमानस ल जागरूक घलोक करत हें ताकि मनखे हाथ धोए अऊ मास्क धोए जइसे नियम मन के पूर्णतः पालन करयं। बिहान परियोजना के अन्तर्गत जिला के सबो ग्राम पंचायत मन म महिला मन के स्व सहायता समूह गठित हे अऊ समूह मन के 8 हजार 600 सदस्य सक्रियता अउ सेवा भावना के संग कोरोना के विरूद्ध ये लड़ाई म अपन बहुमूल्य योगदान देवत हें।
