महासमुंद, 10 दिसम्बर 2020। घर मन के चारदीवारी अऊ मजदूरी करे तक सीमित रहवइया महिला राष्ट्रीय ग्रामीण आजीविका मिशन बिहान, अंतर्गत स्व-सहायता समूह ले जुड़ के बदलाव के कहानी गढ़त हे। महासमुन्द विकासखण्ड के ग्रामीण क्षेत्र के महिला मन के समूह ले जोड़ के आत्मनिर्भर बनाए बर सी.आर.पी. चक्र चलाए जावत हे अऊ आमसभा के आयोजन घलो करे जावत हे। ग्राम पंचायत बावनकेरा म समूह के गठन बर कार्यक्रम के आयोजन करे गिस।
ए अवसर म संसदीय सचिव अऊ महासमुन्द के विधायक विनोद चन्द्राकर द्वारा महिला मन ल बिहान योजना ले जुड़ के आजीविका गतिविधि करके आत्मनिर्भर बनने अऊ अतिरिक्त आय उपार्जन करे म जोर दीन। समूह ले जुड़े महिला मन ह घलो अपन-अपन विचार व्यक्त करत हुए कहिन कि समूह ले जुड़े ले हमर जइसे महिला मन म आत्मविश्वास अऊ आत्मनिर्भरता बढ़त हे। एखर ले हमर जइसे महिला मन ल अपन-अपन हुनर के अनुरूप प्रशिक्षण प्राप्त करके हमन अपन आजीविका अच्छा तरह ले चला सकत हन। एखर अलावा समूह म रहत हुए घलो घर के कार्य अऊ पारिवारिक दायित्व मन के भलीभाॅति निर्वहन करत हे। जेखर ले ग्रामीण अंचल के महिला समूह के महिला मन ल अपन रोल माॅडल माने बर लगे हे।
