मड़कम कामे के जिंदगी मं आईस सुघर बदलाव, दुसर महिला मन बर बनिन प्रेरणा
सुकमा, छत्तीसगढ़ सरकार के महतारी वंदन योजना महिला मन के आर्थिक मजबूती कोती मं जबर भुमिका निभावत हे। सुकमा जिला के दोरनापाल परियोजना के अंतर्गत गाँव कामापेदागुड़ा के रहइया श्रीमती मड़कम कामे ए योजना ले लाभ पाके आत्मनिर्भरता कोती बढ़त हे।
परिवार के आर्थिक स्थिति होईस मजबूत – श्रीमती मड़कम कामे
महतारी वंदन योजना के तहत ओ ला हर महीना आर्थिक सहायता मिलत हे। ए रूपिया के उपयोग ओ ह परिवार के जरूरी खरचा ला पूरा करे मं करत हे, जेकर से ओकर परिवार के आर्थिक स्थिति मजबूत होए हे।
सरकारी योजना मन ले बदलीस जिंदगी के सुरूज
मड़कम कामे ला प्रधानमंत्री आवास योजना के तहत पक्का घर मिले हे। संगे-संग जल जीवन मिशन के माध्यम ले ओकर घर तक सफ़ा पिये के पानी के सुविधा घलो पहुँचाए गे हे। ए योजना मन के लाभ मिले ले ओकर परिवार के जिंदगी पहिली ले जादा सुरक्छित अउ सुभीता वाले हो गे हे।
दुसर महिला मन ला करत हे प्रेरित
मड़कम कामे ह बताइस के सरकार के योजना मन ह ओकर परिवार ला नवा आस अउ आर्थिक सुरक्छा देहे हे। अब ओ ह अपन गाँव अउ तीर-तखार के महिला मन ला घलो सरकारी योजना मन के लाभ लेहे अउ आत्मनिर्भर बने बर प्रेरित करत हे। ओ ह मुख्यमंत्री श्री विष्णुदेव साय के प्रति आभार जतावत कहिस के सरकार के जनकल्याणकारी योजना मन ग्रामीण महिला मन के जिंदगी मं सुघर अउ थिर बदलाव लावत हे।