सुकमा : गौठान मन ले समूह के महिला मन बनत हें आत्मनिर्भर

सुकमा, कलेक्टर श्री हरिस एस. के मार्गदर्शन म स्व-सहायता समूह मन के माध्यम ले महिला मन ल आजीविका मूलक गतिविधि मन ले जोड़े अऊ ग्रामीण अर्थव्यवस्था ल मजबूत करे छत्तीसगढ़ शासन के महत्वाकांक्षी नरवा,गरुवा,घुरुवा अऊ बाड़ी योजना के अंतर्गत गांव मन म बनाए गए गौठान अब फलीभूत होए लगे हे।
जिला के छिंदगढ़ विकासखंड के ग्राम चिकारास (चिपुरपाल) गौठान म पशुधन विकास विभाग कोति ले बैकयार्ड कुक्कूट पालन योजना साल 2022-23 के तहत पाछू महिना पुष्पा महिला स्व-सहायता समूह ल बटेरपालन के प्रशिक्षण दे के शासकीय कुक्कूट पालन प्रक्षेत्र दुर्ग ले परिवहन करके 20 यूनिट बटेर चिंया दाना संग प्रदाय करे गए रहिस।
समूह के सदस्य मन पशुधन विकास विभाग ले बटेर पालन करे बर जरूरी जानकारी प्राप्त करके बटेर पालन करे गीस। परिणाम स्वरूप एक महिना म ही नियमित देखभाल अऊ बने रख-रखाव ले बटेर बेंचे के लइक हो गे। समूह ह बटेर मन ल प्रति नग 50 रूपिया के दर ले छिंदगढ़, गादीरास, सुकमा अऊ कूकानार के साप्ताहिक बाजार म बिक्री करके आय के रूप म 34 हजार रूपिया कमाए हें। आजीविका मूलक गतिविधि मन बर धनराशि ल समूह कोति ले छत्तीसगढ़ राज्य ग्रामीण बैंक शाखा छिंदगढ़ मे खोले गए बैंक खाता म जमा करे गए हे। अइसनहे महिला मन आर्थिक लाभ प्राप्त करे के संग ही बैंकिंग प्रणाली ले घलोक जुड़त हें।
पशुधन विकास विभाग के उप संचालक ह बताइस कि अवइया दिन म समूह के सदस्य मन के जमा पइसा ले बटेर चियां बिसा के सरलग बटेर पालन ले लाभ लेहे जाही अऊ महिला मन आत्मनिर्भर हो के आर्थिक रूप ले मजबूत होए के दिशा म अग्रसर होहीं।