महतारी वंदन योजना के मदद राशि ले खरीदिस सिलाई मशीन
बलरामपुर, 18 जुलाई 2024, महतारी वंदन योजना छत्तीसगढ़ के महिला मन के जिदंगी संवारत हे। महिला मन शासन ले हर महीना मिलइया एक हजार रूपिया ले अपन घर के जरूरत पूरा करत हें। कुछ महिला मन ए राशि ल बचाके अपन जीवकोपार्जन के नवा रद्दा बनाए कोति आगे बढ़त हें। बलरामपुर जिला के रामानुजगंज के वार्ड नंबर 4 के निवासी सुमन ह महतारी वंदन योजना ले मिले मासिक मदद ले एक सेकेण्ड हैंड सिलाई मशीन बिसाए हे। जेखर से सिलाई करके ओ ह अब अपन घर के खरचा चलावत हे। पहिली ओ ह पड़ोसी के घर जाके सिलाई करत रहिस, जेखर से ओखर मुनाफा नइ हो पात रहिस। अपन खुद के सिलाई मशीन बिसा लेहे ले अब वोला जादा बचत होए लगे हे।
श्रीमती सुमन विश्वकर्मा कहिथे के महिला सशक्तिकरण ल उत्प्रेरित करइया महतारी वंदन योजना के तहत हर महिना एक हजार रुपिया के राशि वोखर खाता म पहुंचत हे। मोदी जी के गारंटी अऊ विष्णु देव के सुशासन ले ही आज मोर बैंक खाता म हर महीना एक हजार रुपए आवत हे, जे ह मोर जइसे महिला मन बर वरदान हे।
प्रदेश म महिला मन के आर्थिक स्वावलंबन अउ वोखर स्वास्थ्य अउ पोषण स्तर म सतत सुधार अउ परिवार म वोखर निर्णायक भूमिका सुदृढ़ करे बर, समाज म महिला मन के प्रति भेदभाव, असमानता अउ जागरूकता के कमी ल दूर करे, स्वास्थ्य अउ पोषण स्तर म सुधार करे अउ आर्थिक स्वावलंबन अउ सशक्तिकरण ल बढ़ावा देहे के उद्देश्य ले “महतारी वंदन योजना” लागू करे के निर्णय लेहे गए हे। जेखर अंतर्गत राज्य के विवाहित, विधवा परित्यक्ता अऊ तलाकशुदा जिनकर उमर 21 साल ले जादा हो अइसन महिला मन ल हर महीना 1000 रुपिया के वित्तीय सहायता प्रदान करे जात हे।
