रायपुर, 7 जून 2024। प्रदेश म विष्णु देव साय सरकार 70 लाख महिला मन के खाता म हर महीना एक हजार रुपए भेजत हे। ए योजना ले न केवल महिला मन ल खरचा करे बर अपन खुद के पइसा के जुगाड़ होए हे भलुक परिवार घलोक आर्थिक दृष्टिकोण ले मजबूत होए हे। पूरा प्रदेश म महतारी वंदन योजना आए के बाद महिला मन ए पइसा के का करत हें एला देखहू त पता चलत हे के महिला मन एमा के कुछ हिस्सा भविष्य के जरूरत बर सुरक्षित रखत हें।
डाकघर म महिला मन ह बड़का पैमाना म आरडी शुरू करे हें अऊ प्रदेश के हर डाकघर म महिला मन के लंबा लाइन नजर आथे। महिला मन न केवल भविष्य के जरूरत बर बचत करत हें भलुक परोक्ष रूप ले राष्ट्र के सकल घरेलू बचत (Gross Domestic Savings) म घलोक अपन योगदान देवत हें। सकल घरेलू बचत के प्रतिशत जतका मजबूत होही, अर्थव्यवस्था के बेहतर प्रवाह के दृष्टिकोण ले घलोक ये अच्छा होही। रायपुर, दुर्ग-भिलाई अऊ बिलासपुर जइसे बड़े शहर म म्यूच्युअल फंड के माध्यम ले एसआईपी के ट्रेंड घलोक हे। महिला मन शेयर बाजार के लाभ उठाना चाहत हे अऊ एखर बर म्यूच्युअल फंड (Mutual Funds) के माध्यम ले ये मां प्रवेश करत हें। अभी तक के ट्रेंड रहे हे कि दीर्घावधि बर एसआईपी रिटर्न (SIP Returns) के मामला म काफी उपयोगी रहे हे।
दूसरा ट्रेंड शिक्षा म निवेश ल लेके हे, जेन महिला मन के लइका प्री ग्रेज्युएट अउ ग्रेज्युएट स्तर के परीक्षा मन के तैयारी करत हे ऊंखर बर ओ मन महतारी वंदन योजना के माध्यम ले अर्जित राशि के निवेश करत हें। एखर माध्यम ले ओ मन कोचिंग आदि के मासिक खरचा उठा पावत हें अऊ किताब आदि के व्यवस्था अपन लइका मन बर करत हें।
महतारी वंदन योजना (Mahtari Vandan Yojana) के राशि ल खरच करे के एक तीसरइया तरीका घलोक महिला मन ह निकाले हे। ओ मन उद्यमशीलता के रद्दा म आगू बढ़े हें। उद्यमशीलता बर जरूरी सिलाई मशीन जइसे उपकरण ईएमआई म बिसावत हें अऊ हर महीना किश्त के भुगतान महतारी वंदन योजना ले मिले राशि ले करत हें। महिला मन बताथें क बीते एक दशक म प्रधानमंत्री मोदी जी के कार्यशैली ल देखे हन। ओ मन जेन कथें ओला पूरा करथें। उमन छत्तीसगढ़ के महिला मन ले वादा करे रहिन के महतारी वंदन योजना के अंतर्गत एक हजार रुपिया के राशि हर महीना महिला मन के खाता म अंतरित कराहीं। मुख्यमंत्री श्री विष्णु देव साय (Chief Minister Shri Vishnu Dev Sai) के सरकार ह छत्तीसगढ़ के कमान सम्हालतेच बहुत जल्दी ये योजना लागू कर दी अऊ महिला मन ह कहिन कि हमार खाता म हर महीना ये राशि आवत हे।
साय सरकार हर महीना प्रदेश के माता-बहिनी मन के खाता म एक हजार रुपिया के रूप म खुसी भेजत हे अऊ महिला मन एखर से खुसी बिसावत हें। छत्तीसगढ़ के मातृशक्ति ल मजबूत करे, ऊंखर जीवन म उछाह भरे म ये योजना बहुत अहम साबित होवत हे।
chhattisgarh Mahatari Vandan Yojana success stories. सांय-सांय आपत हे 1000 रूपिया
