बस्तर के महिला मन बदलत हे आजीविका के तस्वीर

फाइल पैड निर्माण के जरिये आत्मनिर्भरता के मिसाल बनत हे गंगा महिला स्व-सहायता समूह
बस्तर, मुख्यमंत्री श्री विष्णु देव साय के मंशा के मुताबिक छत्तीसगढ़ राज्य के महिला मन के आर्थिक-सामाजिक विकास बर शासन कोति ले विशेष प्रयास करे जात हे। आजीविका मिशन ले जुड़के महिला मन आर्थिक सशक्तिकरण के रद्दा म अग्रसर होवत हे।
गंगा महिला स्व-सहायता समूह ह ये साबित कर दे हे के ग्रामीण महिला मन कहूं अवसर अऊ संसाधन प्राप्त करंय त ओ मन न केवल खुद के जिंदगी बदल सकत हें, बल्कि पूरा समाज बर बदलाव के वाहक बन सकत हें। ये समूह आज बस्तर के मिट्टी ले उपजे नारी शक्ति के पहिचान बन चुके हे।
राष्ट्रीय ग्रामीण आजीविका मिशन (बिहान) के अंतर्गत बस्तर जिला के तोकापाल विकासखंड के ग्राम कोंडालुर म कार्यरत गंगा महिला स्व-सहायता समूह के महिला मन फाइल अऊ पैड निर्माण के माध्यम ले नइ केवल आर्थिक रूप ले सशक्त होवत हे, बल्कि ग्रामीण महिला मन बर स्वावलंबन के सशक्त उदाहरण घलोक प्रस्तुत करत हें। समूह के पांच महिला मन फाइल पैड निर्माण के काम ले जुड़के घर के कामकाज के संगे-संग एक व्यवस्थित अऊ लाभकारी आजीविका ल अपनाकै आत्मनिर्भरता के दिशा म प्रभावी कदम बढ़ावत हें। ए काम ले ओ मन ल नियमित आमदनी होवत हे, जेखर से ऊंखर परिवार के आर्थिक स्थिति म सकारात्मक सुधार आए हे।
समूह ल फाइल पैड निर्माण के बर जरूरी मशीन अऊ आन संसाधन पहिली ही उपलब्ध करा देहे गए रहिस, जेखर से महिला मन ल काम करे म तकनीकी सुविधा अऊ सरलता प्राप्त होइस। मशीन मन के सहायता ले उत्पादन के गति तेज हो गीस अऊ गुणवत्ता म घलोक सुधार आइस। अब तक समूह ह 5000 ले जादा फाइल अऊ पैड तैयार कर डरे हे, जेकर कुल अनुमानित लागत 1 लाख 90 हजार रूपिया हे। एमां ले 4500 फाइल 1 लाख 71 हजार रूपिया म सफलतापूर्वक कई ठन शासकीय विभाग मन अऊ निजी संस्थान मन ल बेचे जात हे। समूह कोति ले तैयार फाइल मन के बिक्री दर प्रति फाइल 20 रूपिया अऊ प्रति पैड 18 रूपिया निरधारित हे, जेन बाजार के मुताबिक उचित अऊ प्रतिस्पर्धात्मक माने जात हे।