- ग्राम मोखला म फलत-फूलत हे शासन के बाड़ी योजना
- महिला स्व सहायता समूह ह लगाए हे कई किसिम के साग-भाजी
- शिवनाथ नदी के मिले हे उपहार
- जिला के सबले बड़े मॉडल गौठान अउ सबले बड़े वर्मी कम्पोस्ट
राजनांदगांव, 02 मई 2020। शिवनाथ नदी के करार म बसे गांव मोखला म बारहमासी पानी के सेती ये गांव के बढ़ोतरी देखते बनत हे। नदी के तीर बने आदर्श गौठान म बने बाड़ी म जटादाह महिला स्व सहायता समूह के महिला मन ह किसम-किसिम के बैगन, टमाटर, भिण्डी, लौकी, गिल्की, ग्वांरफली, ककड़ी, मिर्च लगाए हे। ताइवान के खास प्रकार के पपीता के पेड़ म फूल लगे लगे हे, उहें करमता, खट्टा भाजी, चेचभाजी, कांदा भाजी घलोक लगे हे। सोलर पैनल ले सिंचाई होवत हे। गांव म कहूं भूइंया म खुशहाली के हरियाली, त कहू धान के सोनहा बाली सोहावत हे।