बेमेतरा, 03 जून 2020। ‘पंख ल मिलीस खुला आसमान‘ ये कहावत छत्तीसगढ़ सरकार के आदर्श गौठान मौहाभाठा म चरितार्थ होवत नजर आत हे। शासन के प्रयास अऊ महिला स्व-सहायता समूह मन के मेहनत ले इहां महिला मन अपन पैर म खड़े होवत हें। बेमेतरा जिला के साजा विकासखण्ड के मौहाभाठा के गौठान म महुआ अऊ कल्पना महिला स्व-सहायता समूह मन के महिला मन के परिश्रम अऊ हिम्मत के नतीजा हे के गौठन म मशरूम उत्पादन के कल्पना ल साकार करे जा सकीस।
ये महिला समूह मन म कुल 14 सदस्य हे। इमन गौठान म मशरूम उत्पादन बर 120 बैग लगाये हें। जेमां कुछ ही समय म उत्पादन होना शुरू हो जाही। एखर संगेच अऊ बैग लगाय के तैयारी घलोक करे जात हे। ए समूह मन कोति ले उत्पादित मशरूम के खुले मार्केट म अच्छा मांग हे। मशरूम प्रोटीन के अच्छा स्त्रोत हे जऊन सूखा अऊ गीला दुनों रूप म बिकथे। गौठान के फेन्सिंग म घलोक महुआ महिला स्व-सहायता समूह कोति ले बनाय गे तारजाली के उपयोग करे गए हे। पंचायत मन के फेन्सिंग बर घलोक ये समूह ले बात करे जात हे। एखर अलावा कल्पना समूह के महिला मन गौठान म वर्मी खाद तियार करत हें।
