खनिज न्यास निधि ले सुपोषण, स्वास्थ्य, शिक्षा संग जनहित ले जुडे़ काम प्रमुखता ले कराए जाए: श्री जयसिंह अग्रवाल

रायपुर, 18 जून 2020। प्रदेश के राजस्व अऊ वाणिज्यक कर (पंजीयन) मंत्री अऊ दंतेवाड़ा, बीजापुर अऊ सुकमा जिला के प्रभारी मंत्री श्री जयसिंह अग्रवाल ह कहिन के जिला खनिज न्यास निधि ले सुपोषण, स्वास्थ्य, शिक्षा संग जनहित ले जुड़े काम ल प्रमुखता ले कराए जाय। श्री अग्रवाल ह पाछू बेरा म कलेक्टोरेट जगदलपुर के प्रेरणा हॉल म सुकमा, बीजापुर अऊ दंतेवाड़ा जिला के जिला खनिज न्यास परिषद के बैठक लीन। बैठक म तीनों जिला म खनिज न्यास ले करे काम मन के विस्तार ले समीक्षा करे गीस। बैठक म बस्तर के सांसद श्री दीपक बैज, दंतेवाड़ा के विधायक श्रीमती देवती कर्मा, चित्रकोट के विधायक श्री राजमन बेंजाम, बीजापुर विधायक श्री विक्रम मंडावी, सुकमा जिला पंचायत के अध्यक्ष श्री हरीश कवासी संग सुकमा, दंतेवाड़ा अऊ बीजापुर के कलेक्टर मौजूद रहिन।