कामगार मन के भलई बर उंकर हितवा बन के काम करव : श्री सोनमणि बोरा

रायपुर, 29 जनवरी 2020। राज्य शासन के श्रम विभाग म नवा बने सचिव अऊ श्रमायुक्त श्री सोनमणि बोरा ह विभागीय अधिकारी मन के आज इहां मंत्रालय महानदी भवन म बैठक लीन। श्री बोरा ह विभागीय अधिकारी मन ल हुकुम दीन के श्रमिक, मजदूर अऊ कर्मचारी मन के कल्याण बर जइसन मुख्यमंत्री श्री भूपेश बघेल अऊ श्रम मंत्री चाहत हें उही प्रकार ले उकर हितवा बन के काम करव। जेखर से ओ मन ल शासन के योजना मन के लाभ मिलय। श्रम सचिव ह अधिकारी मन ले विभागीय योजना मन के क्रियान्वयन के जानकारी लीन। उमन विभागीय बजट के संबंध म घलोक अधिकारी मन ले गोठ-बात करिन। बैठक म श्रम विभाग के वरिष्ठ अधिकारी, छत्तीसगढ़ असंगठित कर्मकार राज्य सामाजिक सुरक्षा मंडल, छत्तीसगढ़ भवन अउ आन सन्निर्माण कल्याण मंडल संग आन विभागीय अधिकारी मौजूद रहिन।

लउछरहा..