जुलाई महिना म ही पूरा कर लीन वित्तीय साल के 95 प्रतिशत लक्ष्य
बेमेतरा, 11 अगस्त 2020। महात्मा गांधी नरेगा के अंतर्गत जिला के जनपद पंचायत नवागढ़ म वित्तीय साल 2020-21 के तैयारी पहिलीच ले ही कर ले गए रहिस अऊ ये साल बर 9 लाख 90 हजार मानव दिवस के रोजगार देहे के लक्ष्य अनुमानित रहिस मार्च महिना म पूरा विश्व म कोरोना नाम के महामारी फैल गए रहिस जेखर से हमर देश घलोक अछूता नइ रहिस अऊ बीमारी के संक्रमण ल रोके बर पूरा देश म मार्च महिना 2020 के आखरी हफ्ता तक लॉकडाउन के प्रक्रिया लागू हो गीस।
कोरोना संक्रमण के फैलाव ल रोके लॉकडाउन कारगर सिद्व होइस जबकि अर्थव्यवस्था बर चुनौती खड़ा होए लगे रहिस। अपरेल 2020 म नवा वित्तीय साल चालू हो गीस फेर हम योजना के संचालन नइ कर पात रहेन। 20 अपरेल 2020 ले छत्तीसगढ़ शासन के निर्देशानुसार हमन जनपद पंचायत नवागढ़ के जम्मो ग्राम पंचायत मन म रोजगार मूलक काम ल स्वीकृत कराके काम चालू करना शुरू करिस। ग्रामीण मजदूर अब महात्मा गांधी नरेगा के माध्यम ले रोजगार प्राप्त करे लगिन, जेखर से ग्रामीण अर्थव्यस्था म सुधार आए लगीस संगेच साल बर निरधारित लक्ष्य के 95 प्रतिशत जुलाई 2020 म ही प्राप्त कर ले गए रहिस।