जिला चिकित्सालय लात समय रास्ता म ही श्री पुनीत टण्डन के होगे मृत्यु
मुंगेली 23 मई 2020// मुख्य चिकित्सा एवं स्वास्थ्य अधिकारी ह आज बताइन कि दिनांक 23 मई के जिला चिकित्सालय- मुंगेली लात समय श्रमिक पुनीत टण्डन पिता श्री लोचन टण्डन उमर 26 वर्ष के मृत्यु हो गिस। जानकारी हो कि मृतक पुनीत टण्डन दिनांक 10 मई के हैदराबाद ले अपन निवास ग्राम छीतापुर , विकासखण्ड मुंगेली आय रहिस जेला शासन के नियमानुसार गाँव के प्राथमिक शाला छीतापुर म बनाय गये क्वारंटाईन सेंटर मे रखे गे रहिस हे। दिनांक 22 मई के संझा 7 बजे बुखार आय रहिस जेखर ले गांव के मितानिन द्वारा पैरासीटामाॅल दिये गे रहिस। मृतक पुनीत टण्डन बोल पाय मे अक्षम रहिस अउ इशारा ले बात करत रहिस। रथिया मृतक ल उल्टी होय ले सूचना ए.एन.एम. ल मिलत ही ए.एन.एम. व ग्राम सचिव के द्वारा मृतक ल तत्काल रात के 9 बजे प्राथमिक स्वास्थ्य केंद्र पण्डरभट्ठा ले जाय गिस जहां ओला पैरासीटामाॅल, ओ.आर.एस. ओण्डेस्टेराॅन टेबलेट व मेट्रोनिडाजोल टेबलेट देय गिस। आधा घंटा बाद स्थिति सामान्य होय म मृतक ल ग्राम सचिव के द्वारा वापस छीतापुर क्वारेंटाईन सेंटर ले जाय गिस। दिनांक 23 मई के बिहनिया 8 बजे ए.एन.एम. के द्वारा क्वारेंटाईन सेंटर म विजिट करके मृतक के हाल चाल पुछे गेय रहिस जेमे मृतक के द्वारा इशारा से दो बार उल्टी व दो बार दस्त होना बताय गिस। मरीज के हालत ल देखत ओला जिला अस्पताल ले जाय बर ए.एन.एम. के द्वारा एम्बुलेंस बुलाय गिस तत्काल सिविल सर्जन सह मुख्य अस्पताल अधीक्षक द्वारा जिला चिकित्सालय ले एम्बुलेंस रवाना कराय गिस लेकिन एम्बुलेंस आय के पहले ही ग्राम सचिव के द्वारा स्थानीय व्यवस्था करत मृतक ल आॅटो मे बिठाके जिला चिकित्सालय मुंगेली लाय गिस जहां रस्तेच म ही ओखर मृत्यु हो गिस। जिला चिकित्सालय मुंगेली में मृतक के आर.डी. कीट ले कोरोना टेस्ट करे गिस जेखर रिपोर्ट निगेटिव आईस् हे अउ कोरोना टेस्ट करे जाय बर आर.टी.पी.सी.आर. सैम्पल लेके मेकाहारा, रायपुर भेजे गे हे। कलेक्टर जिला मुंगेली के निर्देशानुसार रिपोर्ट आय तक मृतक के शव सिम्स मेडिकल काॅलेज, बिलासपुर के शीत शव गृह भेजे गे हे।
मुंगेली ले दिलीप बसंत
