अम्बिकापुर के राहत शिविर म रुके श्रमिक मन ल पहुंचाए जात हे मूलभूत सुविधा

अम्बिकापुर 31 मार्च 2020। कोरोना वायरस के संक्रमण ले रोकथाम अउ नियंत्रण बर लगाए गए देशव्यापी लॉकडाउन के कारण फंसे अप्रवासी श्रमिक मन के रुके के व्यवस्था बिशुनपुर स्थित सामुदायिक भवन म राहत शिविर के रूप म जिला प्रशासन कोति ले करे गए हे। राहत शिविर के नोडल अधिकारी नायब तहसीलदार श्री भूषण मण्डावी ह बताइस के राहत शिविर म अभी हाल म 101 श्रमिक रुके हे। एमां उत्तरप्रदेश के 21, झारखंड के 21, मध्यप्रदेश के 36, सूरजपुर जिला के 12 अऊ सरगुजा जिला के लुण्ड्रा विकासखण्ड के 12 श्रमिक सामिल हे। जिला प्रशासन कोति ले ए श्रमिक मन ल नाश्ता, भोजन, स्वच्छ पानी, साबुन संग चिकित्सा सुविधा देहे जात हे। आज बिहनिया मेडिकल टीम कोति ले सबो के स्वास्थ्य जांच करे गीस अऊ जरूरत के मुताबिक दवई घलोक देहे गीस। एखरे संग जिला के कई सामाजिक संगठन, सेवाभावी संगठन अऊ नागरिक मन कोति ले घलोक जरूरत मंद मन के बढ़-चढ़ करके मदद करे जात हे।