रायपुर, 02 जून 2020। मुख्यमंत्री श्री भूपेश बघेल ह विश्व बाल सुरक्षा दिवस के अवसर म लइका मन के स्वस्थ अऊ खुशहाल जीवन के कामना करत कहिन के बाल सुरक्षा दिवस वो अवसर ये, जब हम लइका मन बर अपन प्रतिबद्धता ल फेर दोहरात हवन। उमन कहिन के लइका मन ल स्वस्थ, सुपोषित अऊ सुरक्षित जीवन देना हम सबके सामूहिक जिम्मेदारी हे। श्री बघेल ह लइका मन ल बहुत अकन मया देवत ईश्वर ले अपन कृपा लइका मन उपर बनाए रखे के प्रार्थना करिन।
विश्व बाल सुरक्षा दिवस : लइका मन ल स्वस्थ, सुपोषित अऊ सुरक्षित जीवन देना सामूहिक जिम्मेदारी: मुख्यमंत्री
