विश्व पर्यावरण दिवस 5 जून के छत्तीसगढ़ पर्यावरण संरक्षण मंडल कोति ले पोस्टर प्रतियोगिता के आयोजन

रायपुर, 22 मई 2024। विश्व पर्यावरण दिवस 5 जून के छत्तीसगढ़ पर्यावरण संरक्षण मण्डल कोति ले बिहनिया 10.00 बजे ले न्यू कन्वेन्शन हॉल नवा थिरावन घर, सिविल लाईन, रायपुर म पोस्टर प्रतियोगिता के आयोजन करे जाही। प्रतियोगिता के विसय ‘जलवायु बदलाव सदी के सबले बड़े चुनौती’ रखे गए हे। पोस्टर प्रतियोगिता चार आयु वर्ग म आयोजित होही जेमे पहिली वर्ग म 12 साल तक, दूसर वर्ग म 13 ले 17 साल, तीसर वर्ग 18 ले 21 साल अउ चउथा वर्ग दिव्यांगजन बर होही।
प्रतियोगिता म प्रतियोगी मन ल आकर्षक नगद पुरस्कार देहे जाही। पुरस्कार चार आयु वर्ग म अलग-अलग दे जाही। पहिली पुरस्कार पांच हजार रूपिया, दूसर पुरस्कार तीन हजार रूपिया, तीसर पुरस्कार दू हजार रूपिया अउ दू सांत्वना पुरस्कार पांच सौ रूपिया के दीहे जाही।
प्रतियोगिता के प्रतिभागी मन ल अपन पहिचान पत्र अउ आयु प्रमाण-पत्र के छायाप्रति संग म लाना होही। रजिस्ट्रेशन प्रतियोगिता स्थल म करे जाही। रजिस्ट्रेशन बर प्रतिभागी मन ल बिहनिया 9.30 बजे उपस्थित होना अनिवार्य हे। विजेता मन ल 5 जून के ही पुरस्कार वितरण करे जाही।