रायपुर, 21 नवम्बर 2020। मुख्यमंत्री श्री भूपेश बघेल ह आज इहां अपन निवास कार्यालय म विश्व मात्स्यिकी दिवस के मौका म आयोजित मछुआ सम्मेलन म 15 मछुआरा मन ल मोटरसायकल सह आईस बॉक्स अऊ 2 मछुआरा मन ल ऑटो सह आईस बॉक्स के वितरण करिन। मुख्यमंत्री ह ये मौका म 10 मछुआ हितग्राही मन ल मछुआ गृह योजना के अंतर्गत पहिली किश्त के अनुदान राशि के चेक घलोक वितरित करिन।
मुख्यमंत्री श्री भूपेश बघेल ह कार्यक्रम के शुभारंभ के अवसर म दीया बार के डोंगा, डोंगी अऊ जाल के पूजा करिन। कृषि मंत्री श्री रविन्द्र चौबे ह कार्यक्रम के अध्यक्षता करिन। गृह मंत्री श्री ताम्रध्वज साहू, संसदीय सचिव श्री कुंवर सिंह निषाद, सुश्री शकुंतला साहू, श्री विकास उपाध्याय, छत्तीसगढ़ राज्य मछुआ कल्याण बोर्ड के अध्यक्ष श्री एम.आर. निषाद, कृषि उत्पादन आयुक्त डॉ. एम. गीता, संचालक मछली पालन श्री व्ही.के. शुक्ला उपस्थित रहिन।
मुख्यमंत्री श्री भूपेश बघेल ह मछुआ गृह निर्माण योजना के तहत 10 चुने गए हितग्राही मन ल 40-40 हजार रूपिया के पहिली किश्त के अनुदान राशि के चेक तको वितरित करिन।
