वन अधिकार के प्रति ग्राम सभा जागरूकता अभियान कैलेण्डर अऊ वीडियो संदेश के घलोक होइस विमोचन
रायपुर, मुख्यमंत्री श्री भूपेश बघेल ह अपन निवास कार्यालय म आयोजित विश्व आदिवासी दिवस के कार्यक्रम म आदिम जाति अनुसंधान प्रशिक्षण संस्थान कोति ले प्रकाशित ’आदि विद्रोह’ अऊ 44 आन पुस्तिका मन के विमोचन करिन। मुख्यमंत्री ह कार्यक्रम म वन अधिकार के प्रति ग्राम सभा जागरुकता अभियान के कैलेण्डर, अभियान गीत अऊ सामुदायिक वन संसाधन अधिकार (चारगांव जिला धमतरी ) के वीडियो संदेश के घलोक विमोचन करिन।
कार्यक्रम म ये बेरा म अनुसूचित जाति अऊ अनुसूचित जनजाति विकास मंत्री डॉ. प्रेमसाय सिंह टेकाम, वन मंत्री श्री मोहम्मद अकबर, संसदीय सचिव श्री द्वारिकाधीश यादव अऊ श्री शिशुपाल सिंह सोरी, अनुसूचित जनजाति आयोग के अध्यक्ष श्री भानुप्रताप सिंह, मुख्यमंत्री के सलाहकार श्री राजेश तिवारी, मुख्यमंत्री के अपर मुख्य सचिव श्री सुब्रत साहू, आदिम जाति अऊ अनुसूचित जाति के के सचिव श्री डी.डी. सिंह, आयुक्त श्रीमती शम्मी आबिदी, प्रधान मुख्य वन संरक्षक श्री राकेश चतुर्वेदी घलोक उपस्थित रहिन।
