रायपुर, मुख्यमंत्री श्री भूपेश बघेल ह आज शारदीय नवरात्र के पहिली दिन रायपुर के नजदीक चंदखुरी म माता कौशल्या के मंदिर म पूजा-अर्चना कर प्रदेश के सुख समृद्धि के कामना करिन। मान्यता हे कि चंदखुरी माता कौशल्या के जन्मभूमि ये।
मुख्यमंत्री आज चंदखुरी स्थित राज्य पुलिस अकादमी म आयोजित पुलिस अधिकारी मन के दीक्षांत परेड म सामिल होए बर पहुंचे रहिन। दीक्षांत परेड के बाद ओ मन सीधा माता कौशल्या मंदिर पहुंचिन अऊ उहां पूजा अर्चना करिन। मुख्यमंत्री ह मंदिर के ज्योति कलश कक्ष म ज्योति प्रज्वलित करके प्रदेशवासी मन बर मंगलकामना करिन।
ये बेरा म गृह मंत्री श्री ताम्रध्वज साहू, नगरीय विकास मंत्री डॉ. शिवकुमार डहरिया अऊ जिला पंचायत रायपुर के अध्यक्ष श्रीमती शारदा वर्मा घलोक उपस्थित रहिन। उमन मंदिर परिसर म उपस्थित श्रद्धालु मन ले मुलाकात करके ओ मन ल माता के आराधना के पर्व नवरात्र के बधाई अऊ शुभकामना दीन।
