मुख्यमंत्री ह कटेकल्याण के दंतेश्वरी मंदिर म करिन पूजा-अर्चना

दंतेवाड़ा, श्री भूपेश बघेल ह आज दंतेवाड़ा जिला के कटेकल्याण म दंतेश्वरी माता मंदिर म पूजा अर्चना करके, प्रदेश अऊ क्षेत्रवासी मन के खुशहाली के कामना करिन। उमन मंदिर परिसर म आयोजित कार्यक्रम म जिला के 67 देवगुड़ी मन के कायाकल्प के लोकार्पण करिन। आदिवासी संस्कृति के संरक्षण अऊ ऊंखर आस्था के केन्द्र मन ल सहेजे के उद्देश्य ले राज्य शासन कोति ले 6 करोड़ 70 लाख रूपिया के लागत ले ए देवगुड़ी मन के सौन्दर्यीकरण अऊ परिसर के विकास के काम कराए गए हे। ए देवगुड़ी मन म कटेकल्याण विकासखण्ड के 16, दंतेवाड़ा विकासखण्ड के 27, गीदम विकासखण्ड के 19 अऊ कुआकोंडा विकासखण्ड के 5 देवगुड़ी सामिल हे।
उद्योग मंत्री अउर दंतेवाड़ा जिला के प्रभारी मंत्री श्री कवासी लखमा, सांसद श्री दीपक बैज, विधायक श्रीमती देवती कर्मा घलोक ये बेरा म उपस्थित रहिस। ये दौरान मंदिर के गायता, पुजारी, पेरमा, गुजिया अउर मांझी म राजीव गांधी ग्रामीण भूमिहीन कृषि मजदूर न्याय योजना के तहत ओ मन ल सम्मिलित कर ओ मन ल सालाना 7 हजार रूपिया के सहायता राशि दे बर मुख्यमंत्री के अभिनंदन करिन।