भगवान शिव-शंकर के पूजा-अर्चना करके प्रदेशवासी मन के सुख-समृद्धि के कामना करिन
रायपुर, 05 अगस्त 2024। वन अउ जलवायु बदलाव मंत्री श्री केदार कश्यप ह अपन धर्मपत्नी के संग रामेश्वरम म भगवान शंकर के पूजा अर्चना करके प्रदेशवासी मन के सुख-समृद्धि के कामना करिन। उमन हरेली तिहार के बधाई देवत कहिन के हमार बस्तर म एला अमुस तिहार कहे जाथे। आज के दिन किसान भाई अपन खेत मन म जाके फसल के पूजा करथें। भरपूर फसल के मनोकामना के संग देवस्थान मन म कृषि औजार मन के पूजा-अर्चना करथें।
छत्तीसगढ़ के संस्कृति अऊ सभ्यता हमेशा ले समृद्ध रहे हे। छत्तीसगढ़ के लोक पर्व, लोक संस्कृति के ध्वजवाहक रहे हे। छत्तीसगढ़ किसान मन के प्रदेश हे। ए हरेली तिहार ले छत्तीसगढ़ म तिहार के शुरुआत होथे, जेन किसान ल समर्पित तिहार हे। पूरा प्रदेश म अमुस तिहार धूमधाम ले मनाया जात हे। मंत्री श्री कश्यप ह प्रदेशवासी मन ल अमुस तिहार के बधाई अउ शुभकामना दीन।
