रायपुर, मुख्यमंत्री निवास कार्यालय म संस्कृति अउ पुरातत्व विभाग कोति ले आज छत्तीसगढ़ी राजभाषा दिवस के आयोजन करे गीस। छत्तीसगढ़ी राजभाषा दिवस के अवसर म मुख्यमंत्री ह श्री जागेश्वर प्रसाद जिला- रायपुर, श्री रामेश्वर शर्मा जिला रायपुर, डॉ. जे. आर. सोनी जिला- दुर्ग, श्री पी सी लाल यादव जिला सक्ती, श्री दुर्गा प्रसाद पारकर जिला रायपुर, श्री रामनाथ साहू जिला- रायपुर, श्रीमती सोरिन चन्द्रसेन जिला- महासमुंद, श्री परमानंद वर्मा जिला खैरागढ़, श्री बुधराम यादव जिला बिलासपुर, श्री रंजीत सारथी जिला- सरगुजा , डॉ. शैल चन्द्रा जिला धमतरी, श्री डुमन लाल धुव जिला धमतरी अउ श्री रुद्र नारायण पाणिग्राही जिला-जगदलपुर ल छत्तीसगढ़ी भाखा के प्रति ऊंखर विशेष योगदान बर सम्मानित करिन।
मुख्यमंत्री श्री भूपेश बघेल ह राजभाषा दिवस के अवसर म छत्तीसगढ़ी राजभाषा आयोग कोति ले प्रकाशित पुस्तक मन के विमोचन घलोक करिन। मुख्यमंत्री ह श्री महेत्तरू मधुकर के रचना गुरतुर भाखा, डॉ. सुरेश कुमार शर्मा के वाल्मिकी रामायण, श्री सुखदेव सिंह अहिलेश्वर के बंगस्य छन्द अंजोर, श्री तेजपाल सोनी के श्रीमद भगवत गीता, श्री सुमन लाल ध्रुव के गांव ल सिरजाबो, श्री राजेन्द्र प्रसाद सिन्हा के अमरईया हे मनभावन, श्री कमलेश प्रसाद शरमा बाबू के कुटिस बंदरा जझरग-जझरग, डॉ. शिल्पी शुक्ला के छत्तीसगढ़ महिला लेखन अऊ उर्मिला शुक्ल के रचनाएँ अऊ श्री पी.सी. लाल यादव के किताब मन के विमोचन करिन।
कार्यक्रम म संस्कृति विभाग के सचिव श्री अन्बलगन पी अउ संस्कृति विभाग के संचालक श्री विवेक आचार्य घलोक उपस्थित रहिन।
छत्तीसगढ़ी भाखा के प्रति विशेष योगदान बर साहित्यकार सम्मानित
