दिल्ली। चीन के प्रसिद्ध फोन निर्माता कंपनी शाओमी अपन बहुप्रतीक्षित फोन एमआई 10 इही महीना 27 तारीख के दुनियाभर के कई बाजार मन म लांच करही। ये फोन के अगोरा बहुत दिन ले करे जावत रहिस हे।
कंपनी ह ये फोन ल तीन अलग क्षमता के रैम के साथ बाजार म उतारे हे। जोन म 8 जीबी रैम अउ 128 जीबी स्टोरेज, 8 जीबी रैम अउ 256 जीबी स्टोरेज अउ 12 जीबी रैम व 256 जीबी स्टोरेज वाला वेरिएंट शामिल हे। कंपनी ह ये फोन के पहली वेरिएंट के कीमत चीनी युआन 3,999 यानि करीब 40,000 रुपिया त दूसरा वेरिएंट के कीमत चीनी युआन 4,299 यानि करीब 43,000 रुपिया अउ तीसरा वेरिएंट के कीमत चीनी युआन 4,699 यानि करीब 47,000 रुपिया रखे हे।
कंपनी येखर साथ ही एमआई 10 प्रो भी लांच करही। जो कि तीन वैरिएंट के साथ लांच होही। जोन म पहला 8 जीबी रैम व 256 जीबी स्टोरेज वेरिएंट, दूसरा 12 जीबी रैम व 256 जीबी स्टोरेज वेरिएंट अउ तीसरा 12 जीबी रैम व 512 जीबी स्टोरेज वेरिएंट शामिल हे। कंपनी ह पहली वेरिएंट के कीमत चीनी युआन 4,999 यानि करीब 50,000 रुपिया, दूसरा वेरिएंट के कीमत चीनी युआन 5,499 यानि करीब 55,000 रुपिया अउ तीसरा वेरिएंट के कीमत चीनी युआन 5,999 करीब 60,000 रुपिया रखे हे।
