यादव समाज के सामाजिक भवन ब 50 लाख रूपिया के घोषणा
मुख्यमंत्री सर्व यादव समाज के ‘स्वाभिमान सम्मेलन’ म संघरिन
रायपुर, नेहा राठौर के खबर/ मुख्यमंत्री श्री भूपेश बघेल आज सरगुजा संभाग के मुख्यालय अम्बिकापुर के कला केंद्र मईदान म सर्व यादव समाज कोती ले आयोजित ‘स्वाभिमान महासम्मेलन’ म संघरे रहिन हे। ओ ह ए अवसर म समाज के प्रमुख मन के संग भगवान श्रीकृष्ण के पूजा पाठ कर के प्रदेश के जनता के खुसहाली अउ समृद्धि के कामना करिन। मुख्यमंत्री ह ए अवसर म सरगुजा म श्वेत क्रांति ल बढ़ावा दिए के उद्देश्य ले दुग्ध प्रसंस्करण केंद्र के इस्थापना के घोषणा करिन, जेकर ले दुध व्यापार ल प्रोत्साहन मिलय। संगे संग यादव समाज के समाजिक भवन ब 50 लाख रूपिया के घोषणा घलो करिन। वन अधिकार पट्टा के मांग म मुख्यमंत्री ह संबंधित विभाग के वन अधिकार पट्टा अधिनियम के अनतरगत निर्धारित प्रावधान मन के अनुरूप ले पात्रता के परीक्षण करत हुए जम्मो पात्र हितग्राहि मन ल पट्टा दिए जाए के निर्देश दीहिस।
महासम्मेलन म मुख्यमंत्री श्री बघेल ह सर्व यादव समाज सरगुजा कोती ले आयोजित स्वाभिमान सम्मेलन के भव्य आयोजन के बधई अउ सुभकामना दीहिस। सभा ल संबोधित करत हुए कहिस के सर्व यादव समाज के इतिहास म महत्वपूर्ण योगदान रहे हे। भगवान श्री कृष्ण जेन ह गीता असन महान ग्रंथ ए दुनिया ल दीहिस, यादव समाज ह ओखर वंशज आए। मुख्मंत्री ह कहिस के यादव समाज के परेम अउ सउहार्द्र ले सरगुजा अउ प्रदेश के उन्नति अउ प्रगति म सहयोग बने रहय। छत्तीसगढ़ शासन प्रदेश वासी मन के प्रगति ब सरलग बुता करत हे। हमन ह ए बछर फइसला करे हन कि समर्थन मूल्य म 20 क्विंटल प्रति ईकड़ धान के खरीदी करे जाही। यादव समाज ह ग-माता के सेवक रहे हे। ओइसने छत्तीसगढ़ शासन ह घलो गोधन न्याय योजना आ8 नरवा, गरवा, घुरवा, बारी असन योजना के माध्यम ले गउ सेवा करत हे। जईसे आदिवासी समुदाय जल, जंगल अउ जमीन ले जुडे़ के, ओइसने वनांचल म यादव समाज के लोगन मन घलो कई बछर के बसिंदा हे ।
स्वास्थ्य मंत्री श्री टी.एस. सिंहदेव ह ए अवसर म कहिन के सरगुजा के उन्नति म सदा ले यादव समाज के महत्वपूर्ण योगदान रहे हे। कए पीढ़ी ले यादव समाज इहां बसे हावय अउ अपन काम बुता के समाज के सेवा करत हे।
ए अवसर म स्कूल शिक्षा मंत्री डॉ प्रेमसाय सिंह टेकाम, संसदीय सचिव श्री चिंतामणि महाराज, सीजीएमएससी के अध्यक्ष अउ लुण्ड्रा विधायक डॉ प्रीतम राम, भिलाई नगर विधायक श्री देवेन्द्र यादव, खल्लारी विधायक श्री द्वारकाधीश यादव, चंद्रपुर विधायक श्री राम कुमार यादव, छत्तीसगढ़ खाद्य आयोग के अध्यक्ष श्री गुरप्रीत सिंह बाबरा, बीस सूत्रीय कार्यक्रम क्रियान्वयन समिति के उपाध्यक्ष श्री अजय अग्रवाल, छत्तीसगढ़ अनुसूचित जनजाति आयोग के अध्यक्ष श्री भानुप्रताप सिंह, गउ-सेवा आयोग के सदस्य श्री अटल यादव, तेलघानी बोर्ड के सदस्य श्री लक्ष्मी गुप्ता, मदरसा बोर्ड के सदस्य श्री इरफान सिद्दीकी, अपेक्स बैंक के संचालक श्री अजय बंसल, छत्तीसगढ़ राज्य बीज प्रमाणीकरण बोर्ड के सदस्य श्री अरविंद गुप्ता, कृषक कल्याण परिषद के सदस्य श्री संजय गुप्ता, उर्दू अकादमी के सदस्य श्री बदरुद्दीन इराकी, आईजी श्री राम गोपाल गर्ग, कलेक्टर श्री कुन्दन कुमार, पुलिस अधीक्षक श्रीमती भावना गुप्ता, यादव समाज के संभागीय अध्यक्ष श्री देव नारायण यादव समेत अउ कतको बड़े बड़े अधिकारी संग बड़ संख्या म सामाजिकगण मन ह उपस्थित रहिन हे।