यादव समाज के छत्तीसगढ़ के विकास अऊ संस्कृति ल सहेजे म हवय बड़का योगदान: मंत्री डॉ डहरिया

रायपुर, 15 मार्च 2021। नगरीय प्रशासन अऊ विकास अऊ श्रम मंत्री डॉ शिवकुमार डहरिया ह नगर पंचायत मंदिर हसौद म यादव ठेठवार समाज के 24 गाँव परिक्षेत्र के दू दिन के वार्षिक सम्मेलन म सामिल होइन। ये बेरा म उमन कहिन कि छत्तीसगढ़ के सरकार सबो वर्ग अऊ समाज ल संग लेके विकास काम मन ल पूरा करत हे। छत्तीसगढ़ के विकास म सबो समाज के योगदान हे। उमन कहिन कि यादव समाज के अपन पहिचान स्थापित हे। छत्तीसगढ़ी संस्कृति ल बढ़ावा देहे के संग ओला सहेजे म घलोक समाज के योगदान ल भुलाए नइ जा सकय। समाज के मनखे मन ल चाही कि ओ मन अपन अवईया पीढ़ी ल अड़बड़ पढ़ावयं अऊ बढि़या मनखे बनात ऊँच पद तक पहुचावयं।