रायपुर, मुख्यमंत्री श्री भूपेश बघेल ह प्रदेशवासी मन ल अंतर्राष्ट्रीय योग दिवस के शुभकामना देहे हें। उमन आम नागरिक मन ल योग ल जीवन शैली म सामिल करे के आव्हान करे हें।
अपन संदेश म मुख्यमंत्री ह कहिन हे कि योग के उल्लेख हमार जुन्ना साहित्य म मिलथे। हमार सिसि मुनि मन ह हजारों साल पहिली शरीर ल स्वस्थ अऊ निरोग रखे बर बहुत अकन विधि मन के खोज करे रहिन हे। उमन कहिन हे कि योग असल म शरीर, मन अऊ आत्मा ल शुद्ध करे के प्रक्रिया ये। योग ले बिना कोनो खरचा के मनखे अपन शरीर ल स्वस्थ अऊ निरोग रख सकत हे। ये आधुनिक जीवन शैली ले जुड़े बहुत अकन समस्या मन ले घलोक निजात देवाथे।
हम आप ल बता देवन कि आज योग ल पूरा विश्व म मान्यता मिल गे हे। संयुक्त राष्ट्र संघ के आव्हान म हर बछर योग दिवस के आयोजन करे जाथे।
