मुख्यमंत्री ह आजादी के 76वीं वर्षगांठ म जनसंपर्क विभाग द्वारा आयोजित छायाचित्र प्रदर्शनी के करिस सुभारंभ
रायपुर, 15 अगस्त 2023
मुख्यमंत्री श्री भूपेश बघेल ह आज राजधानी रायपुर के कचहरी चौक स्थित टाउन हॉल में जनसंपर्क विभाग द्वारा आजादी की 76वीं वर्षगांठ म आयोजित छायाचित्र प्रदर्शनीस सुभारंभ करिस। ए प्रदर्शनी में प्रदेश सरकार के पौने पांच साल ले उपलब्धि अउ देश के स्वतंत्रता आंदोलन में अपन महत्वपूर्ण भूमिका निभाए वाले छत्तीसगढ़ के महान क्रांतिकारी मन के स्मृति ल सुसज्जित ढंग से प्रदर्शित करे गएभे। प्रदर्शनी में आजादी ले लड़ाई में छत्तीसगढ़ के क्रांतिकारी मन के योगदान आज उमन के महत्वपूर्ण दस्तावेज, स्वतंत्रता आन्दोलन के दौरान उमन के जीवन यात्रा, जंगल सत्याग्रह, भारत छोड़ो आन्दोलन अउ स्वतन्त्रता आंदोलन ले जुडे़ विभिन्न गतिविधि में उमन के योगदान ल प्रदर्शित करे गए हे। ओमा प्रमुख रूप से सुराजी गांव योजना, नरवा, गरवा, घुरवा, बाड़ी, राजीव गांधी ग्रामीण भूमिहीन कृषि मजदूर न्याय योजना, गोधन न्याय योजना, छत्तीसगढ़ मिलेट मिशन, बेरोजगारी भत्ता योजना आदि प्रमुख रूप से शामिल हे। प्रदेश सरकार के उपलब्धि म आधारित डाक्यूमेंट्री फिल्म के प्रदर्शन घलो प्रदर्शनी स्थल म करे जाथ हे।
मुख्यमंत्री श्री भूपेश बघेल ह जनसंपर्क विभाग द्वारा आयोजित प्रदर्शनी के सराहना करिस। ओ ह कहिस कि बीते पौने पांच साल के दौरान आम नागरिक मन के जीवन में खुशहाली आईस हे। प्रदेश सरकार के योजना म के बेहतर क्रियान्वयन ले होए सकारात्मक बदलाव ले हमन लोगन मन के भरोसा जीते हे। मुख्यमंत्री ह कहिस कि आए वाले पीढ़ि ल ये जानना अबड़ जरूरी हे कि छत्तीसगढ़ के महान क्रांतिकारी मन ह स्वतंत्रता संग्राम आंदोलन में अपन बहुमूल्य योगदान दिए हे। ए प्रदर्शनी आज के पीढ़ी ल एकर से अवगत कराए में महत्वपूर्ण भूमिका निभाही। गौरतलब हे कि 15 से 21 अगस्त तक कचहरी चौक स्थित टाउन हॉल में ए प्रदर्शनी आयोजित करे गए हे, जेकर बिहनिया 11.00 बजे ले राथिया 8 बजे तक अवलोकन करे जा सकत हे।
प्रदर्शनी में छत्तीसगढ़ के प्रथम शहीद वीर नारायण सिंह, छत्तीसगढ़ के मंगल पांडे कहे जाए वाले हनुमान सिंह, शहीद वीर गुण्डाधुर, ठाकुर प्यारे लाल सिंह, ई.राघवेंद्र राव, डॉ. खूबचंद बघेल, यति यतन लाल, बाबू छोटेलाल श्रीवास्तव, बैरिस्टर छेदीलाल, पंडित सुंदरलाल शर्मा, पंडित माधवराव सप्रे, परसराम सोनी, रामप्रसाद पोटाई, महंत लक्ष्मी नारायण दास, बिसाहू दास महंत, धनीराम वर्मा, वामनराव बलिराम लाखे, सेठ शिवदास डागा, पंडित रविशंकर शुक्ल, रायपुर की प्रथम महिला स्वतंत्रता संग्राम सेनानी डॉ. राधा बाई सहित छत्तीसगढ़ के अनेक स्वतंत्रता संग्राम सेनानी मन के योगदान ल सचित्र प्रदर्शित करे गय हे। राष्ट्रपिता महात्मा गांधी के छत्तीसगढ़ प्रवास ले जुडे़ जानकारी सचित्र प्रदर्शित करे गए हे।
ए अवसर म संचालक जनसंपर्क श्री सौमिल रंजन चौबे, कलेक्टर रायपुर डॉ. सर्वेश्वर नरेन्द्र भुरे, जनसंपर्क के अपर संचालक श्री जे.एल. दरियो, श्री उमेश मिश्रा अउ श्री संजीव तिवारी अउ जनसंपर्क विभाग के वरिष्ठ अधिकारी सहित अनेक प्रबुद्ध नागरिक उपस्थित रहिस।
