जनधन खाता के राशि कभी भी निकाल सकत हें

दुर्ग, 10 अप्रेल 2020. प्रधानमंत्री गरीब कल्याण  योजना के राशि जनधन खाता के महिला हितग्राही मन के खाता म आए हे। ओ मन एला अपन जरूरत के मुताबिक कभी भी निकाल सकत हें। दुर्ग कलेक्टर श्री अंकित आनंद ह आज कहिना केे  मनखे मन के बीच ये भ्रम फइले हे कि लॉक डाउन के समय राशि नइ निकाले गइस त राशि लैप्स हो जाही या आगामी 2 महीना के किश्त नइ आही। अइसन कतई नइ हे। खाताधारी कभी भी अपन राशि निकाल सकत हे उंखर राशि लैप्स नइ होवे। कलेक्टर श्री अंकित आनन्द ह ए संबंध म आम जनता ले अपील करे हें के अफवाह म ध्यान झन देवव। लॉक डाउन के समय घर म ही रहव। कहूँ फिलहाल जरूरत नइ हे त राशि झन निकालव। आप मन के राशि लैप्स नइ होवे। आप मन एला कभू भी निकाल सकत हव।