रायगढ़, 27 सितंबर 2020। आज बिहनियां एक सनकी युवक ह पानी निकासी के विवाद म अपन बड़े माँ अऊ पड़ोसी महिला के हत्या कर देहे रहिस। बताये जावत हे कि कि बीच बचाव करे आये दादी ल घलो युवक गंभीर रुप ले घायल कर देहे रहिस। घटना के सूचना म पुलिस घटनास्थल म पहुंच के आरोपी मनीष यादव ल गिरफ्तार कर लेहे हे।
ए घटना पुसौर थाना क्षेत्र के ग्राम तड़ोला के हे ,आज बिहनिया 5:30 बजे मनीष यादव ह अपन बड़े माँ अऊ पड़ोसी महिला के नाली पानी निकासी विवाद ल लेके खटिया के पाया (लकड़ी खुरा) ले मार मार के हत्या कर देहे रहिस। बीच बचाव करे आए अपन दादी ल घलोक गंभीर रुप से घायल कर देहे रहिस जेखर इलाज अभी चलत हे। आरोपी के खिलाफ धारा 302, 307 IPC पंजीबद्ध कर पुलिस आरोपी ल गिरफ्तार कर ले हे। आरोपी ल पुसौर पुलिस ह हिरासत म ले हे अउ रिमांड म भेज देहे जाही।
