’तुंहर सरकार, तुंहर द्वार’ मनखे मन ल अब घर बइठे सुगमता ले मिलही परिवहन विभाग के 22 सेवा: मुख्यमंत्री श्री भूपेश बघेल

रायपुर, 1 जून 2021। मुख्यमंत्री श्री भूपेश बघेल ह आज इहां अपन निवास कार्यालय म आयोजित कार्यक्रम म परिवहन विभाग के नवा सुविधा ‘तुंहर सरकार, तुंहर द्वार’ के वर्चुअल शुभारंभ करिन। ये नवा सुविधा के माध्यम ले परिवहन विभाग कोति ले प्रदेशवासी मन ल 22 परिवहन सेवा ऊंखर घर के दुवार म पहुंचाके देहे जाही। ए सेवा मन म स्मार्ट कार्ड आधारित ड्रायविंग लायसेंस अऊ रजिस्ट्रेशन प्रमाण पत्र ले संबंधित परिवहन सेवा सामिल हे। स्पीड पोस्ट के माध्यम ले आवेदक अऊ वाहन स्वामी मन के घर के पता म ए सेवा ल पहुंचाए जाही। आवेदक मन ल सेवा प्राप्त करे बर www.parivahan.gov.in म आवेदन करना होही। ये सुविधा म स्वैच्छिक ’आधार’ प्रमाणीकरण ले परिवहन सेवा तुरंते मिलही। ये सेवा के शुरू होए म छत्तीसगढ़ देश के पहला राज्य बन गए हे, जिहां परिवहन विभाग ड्राइविंग लाइसेंस अऊ पंजीयन संबंधित सेवा मन ल आधार ले एकीकृत करत हे।