रायपुर, 6 मार्च 2021। गांजा बेचे के सूचना म पुलिस ह एक मनखे ल गिरफ्तार करे हे। मनखे ह घर के बाड़ी म गांजा छुपा के रखे रहिस। ये छापामार कार्यवाही म 1 किलो 150 ग्राम गांजा जब्त करे गये हे। मिले जानकारी के अनुसार आरंग पुलिस ह 4 मार्च के रात 9.30 बजे मुखबिर के सूचना म ग्राम रानीसागर आरंग म चितेन्द्र कुमार साहू के मकान म छापा मार के रेड के कार्रवाही करिस। कार्यवाही के दौरान बाड़ी म एक थैला मिलिस, जेखर तलाशी लेहे के दौरान ओखर अंदर 1 किलो 150 ग्राम गांजा अनुमानित कीमत 10 हजार रुपिया बरामद होय म जब्त करे गीस। पकड़े गए आरोपी ह पूछताछ म गांजा बेचे बर रखे हे बताये गीस। आरोपी ल गिरफ्तार करके खिलाफ नार्कोटिक्स एक्ट के धारा 20बी के तहत कार्रवाही करिस।
1150 ग्राम गांजा के संग युवक गिरफ्तार, घर के बाड़ी म छुपाये रहिस
