गरियाबंद म क्वारेंटाइन सेंटर म युवक ह फांसी लगाके करिस आत्महत्या

गरियाबंद, 7 जून 2020। कोरोना के संक्रमण ले बचे बर लोगन मन ल क्वारेंटाइन करे जावत हे. वहीं क्वारेंटाइन सेंटर मन म हादसा अउ अव्यवस्था मन के खबर घलो लगातार आवत हे. गरियाबंद जिला के क्वारेंटाइन सेंटर म रुके एक युवा प्रवासी श्रमिक के फांसी लगाके खुदकुशी करे के खबर आगु आये हे. ये मामला गरियाबंद जिला के देवभोग ले कुछ किमी दूरी म स्थित गोहरापदर के क्वारंटाइन सेंटर के हे. ये संबंध म एसडीओपी मैनपुर रूपेश दांडे ह बताये हे कि जोन युवक ह क्वारेंटाइन सेंटर म आत्महत्या करे हे, वो 31 मई के तेलंगाना ले लहुटे रहिस. मृतक के उम्र 20 साल बताये जावत हे. युवक ह आत्महत्या काबर करिस एखर पता नई चल पाये हे, पुलिस ह प्रकरण दर्ज करके जांच शुरू कर दे हवय.