ट्रैक्टर म दबे ले युवक के होइस मउत, मृतक घर म अकेला कमाने वाला रहिस

खरोरा, 24 मई 2020। भैंसा समीपस्थ ग्राम भैंसमुड़ी म ट्रैक्टर अनियंत्रित होके पलटगे. हादसा म भैंस मुंडी निवासी युवक ढोला यादव उम्र 43 वर्ष के ट्रैक्टर ले दबे ले मौका म ही मउत होगे. ट्रैक्टर चालक पुनीत वर्मा ल चोट आइस, जोन ल जिला अस्पताल म भर्ती कराये गये हे. मौका म पहुंचे खरोरा पुलिस ह जेसीबी ले मृतक के शरीर ल बाहर निकलवा के शव ल पोस्टमार्टम कर परिजन मन ल सौंप दिस. जांच पड़ताल कर आगु के कार्यवाही करे जावत हे. हादसा के बाद पूरा गांव म मातम छागे हे. मृतक घर म अकेला कमाने वाला रहिस अउ ओखर चार लइका हे.