बलौदाबाजार, 30 जून 2020। टिकटॉक के वीडिया बनाना युवा मन बर क्रेज बन गे हे, लेकिन ये कभु-कभु जानलेवा घलो साबित हो जाथे. अइसे ही एक मामला म बारिश के दिन म टिकटॉक बनात युवक उपर आकाशीय बिजली गिरगे. गंभीर युवक ल परिजन जब अस्पताल ले के पहुंचिस त डॉक्टर मन ह मृत घोषित कर दीस.
ये मामला बलौदाबाजार जिला के ग्राम खम्हरिया के हे, जिहां रहने वाला 17 साल के आकाश जाँगडे़ सकरी आईटीआई के तिर मोबाइल ले टिकटॉक वीडिया बनावत रहिस. ये बेरा युवक उपर आकाशीय बिजली गिरगे. सूचना मिले म युवक ल ओखर परिजन आनन-फानन म जिला अस्पताल ले के पहुंचिस, जिहां डाक्टर मन ह जांच उपरांत ओला मृत घोषित कर दीस. घटना के सूचना मिले के बाद पुलिस जांच म जुटगे हे.